«НЗМ» ДББҰ «Педагогикалық шеберлік орталығы» жекеменшік мекемесінің (бұдан әрі -ПШО) ғылыми – зерттеу қызметі Қазақстан Республикасы педагог кадрларының кәсіби даму деңгейін анықтауға және педагогтердің біліктілігін арттырудың қазақстандық жүйесіне озық педагогикалық идеяларды енгізуге бағытталған.
ЖЕРГІЛІКТІ ЖӘНЕ ШЕТЕЛДІК ӘРІПТЕСТЕРМЕН БІРЛЕСКЕН ҒЗЖ ЖҮЗЕГЕ АСЫРУ
-
ПШО қызметін жетілдіру және оның тұрақты дамуын қамтамасыз ету мақсатында Педагогикалық шеберлік орталығы педагог кадрлардың біліктілігін арттыру саласында бірлескен халықаралық және республикалық ғылыми жобаларды іске асыруда:
-
-
«Педагогикалық шеберлік орталығының бағдарламасын» зерттеу бойынша есеп беру. Әсерді зерттеу» («Impact Study: Centre of Excellence Programmes». Report, 2015);
-
-
Д. Бриджестің «Қазақстандағы білім беру реформалары шеңберіндегі білім беру реформасы және интернационалдандыру» кітабын әзірлеу және басып шығару;
-
-
«Педагогикалық шеберлік орталығының біліктілікті арттыру бағдарламаларын жүзеге асыруды мониторингілеу және эвалюациялау» жобасы аясында Кембридж университетімен (Ұлыбритания) бірлескен зерттеу; (СІЛТЕМЕ)
-
-
Ханты-Мансийск автономиялық округі – Югра (РФ) білім беру мекемелерінің педагогтерін оқытудың нәтижелілігін зерттеу;
-
-
Балқаш, Жезқазған, Сәтбаев қалалары мен Ұлытау ауданының жалпы білім беретін мектептері педагогтерінің кәсіби қажеттіліктерін анықтауға баса назар аудара отырып, «Қазақмыс» корпорациясы» ЖШС мен ПШО арасында жасалған келісім-шарт шеңберіндегі зерттеу.
МОНИТОРИНГТІК ЗЕРТТЕУЛЕР
2012 жылдан бастап ПШО біліктілікті арттыру курстарының білім беру бағдарламаларын әзірлеудің сапасы мен мектеп практикасына кіріктірудің тиімділігін мониторингтік зерттеулерді жүзеге асырады, олар үш кезеңде жүргізіледі:
-
курс алды (бағдарламаларды әзірлеу үшін);
-
-
курстық (педагог қызметкерлердің біліктілігін арттыру курстары барысында осы бағдарламалар бойынша оқыту кезінде);
-
-
курстан кейінгі (бағдарлама идеяларын мектеп тәжірибесіне интеграциялау кезеңінде).
2012-2020 жылдар аралығында 90-нан астам зерттеулер жүргізілді. Мониторингтік зерттеулердің нәтижелері жыл сайын «Назарбаев Зияткерлік мектептері» ДББҰ Педагогикалық шеберлік орталығының мониторингтік зерттеулері» сериясының кітаптары мен брошюраларында жарияланады. Зерттеу материалдары қазақстандық педагог кадрлардың біліктілігін арттыру жүйесін, сондай-ақ жалпы білім беру жүйесін жетілдіру және тиімділігін арттыру бойынша ұсынымдар ретінде пайдаланылады.
ҚОЛДАНБАЛЫ ЗЕРТТЕУЛЕР
ПШО сондай-ақ «Іс-әрекеттегі практиканы зерттеу» (Action Research) және «Сабақты зерттеу» (Lesson Study) қолданбалы зерттеулерін жүргізеді. ПШО қызметкерлері импакт-факторы бар ғылыми басылымдарда (Хирша индексі/CiteScore/Web of science/Scopus) 20-дан астам мақала жариялады.
Кембридж университетінің Білім факультетімен бірлесе отырып ПШО үш тілде (қазақ, орыс, ағылшын) «Педагогикалық диалог» ақпараттық-әдістемелік журналын шығарады. Журнал беттерінде іргелі және қолданбалы педагогикалық-психологиялық зерттеулердің нәтижелері, білім беру тәжірибесін жақсартуға арналған әдістемелік ұсынымдар жарияланады. Келесі елдердің білім беру ғалымдары мен сарапшыларының мақалалары жарияланды: Ұлыбритания, АҚШ, Ресей, Палестина, Беларусь республикасы, Гонконг, Үндістан, Египет, Қырғызстан, Пәкістан. Оның ішінде: 23 PhD докторы, профессорлар, ғылым кандидаттары, 8 ғылым магистрлері.
