Серіктес ұйымдар

         

Педагогикалық шеберлік орталығы 2011 жылдан бастап Кембридж университетінің Халықаралық ынтымақтастық және білім беру Кеңесімен (Ұлыбритания) стратегиялық серіктестікті жүзеге асырады. Кембридж университетінің Кеңес және білім беру факультетінің сарапшылары Орталық тренерлеріне тәлімгерлік, кәсіби дайындық, біліктілікті арттыру сұрақтары бойынша тұрақты түрде қолдау көрсетеді.

 

Ынтымақтастық шеңберінде ортақ жобалар орындалуда, біліктілікті арттыру бағдарламалары әзірленуде, бірлескен зерттеулер жүргізілуде. Бұл ынтымақтастық Орталыққа педагогтердің біліктілігін арттыру саласындағы үздік әлемдік стандартқа сай болуға мүмкіндік береді.

 

ПШО 2019 жылдан бастап EduCluster Finland (ECF), соңғы он жыл ішінде 200-ден астам халықаралық жобаларға қатысқан Ювяскила Университетімен (Финляндия) белсенді ынтамақтастықта жұмыс жүргізіліп келеді.

ECF финдік білім беру спектріндегі жаңашыл-сарапшы және PISA, TIMSS, PIRLS, PIAAC халықаралық зерттеулерін және басқа да маңызды әлемдік бақылау зерттеулерін жүргізетін халықаралық озық тәжірибе орталығы болып табылады. Бұл орталық білім беру саласында 2018 жылғы әлемдік университеттердің рейтинг нәтижесі бойынша 100 үздіктің және 2018 жылғы QS әлемдік университеттер рейтингі бойынша 150 үздіктің қатарына кіреді. 

ECF сарапшылары бағдарламаларды құруда кеңес беру арқылы көмек көрсетеді. Сондай-ақ олар келесі тақырыптар бойынша оқыту семинарларын өткізді: 

• PISA халықаралық зерттеуі үлгісінде оқушылардың функционалдық сауаттылығын дамыту; 

• инклюзивті білім беру; 

• STEM пәндерін құбылысқа негізделген оқыту арқылы интеграциялау.

Қазіргі уақытта ПШО Чапел-Хиллдегі (АҚШ) Солтүстік Каролина университетінің өкілдерімен жұмыс істейді. Ынтымақтастық ПШО әзірлеушілері мен тренерлеріне өткізілген семинар бойынша «Мектепті басқару» тақырыбында іске асырылады. Бүгінгі таңда біліктілікті арттыру бағдарламаларын жүзеге асыру үшін оқыту роликтері дайындалуда.