Филиалдар

×

Филиал туралы

Ақтау – Каспий теңізінің жағасында орналасқан әсем қала. Бұл жерде 2012 жылы Педагогикалық шеберлік орталығы ЖМ филиалы өз жұмысын бастаған. Ақтау қаласындағы Филиал – облыс мұғалімдерін оқыту, әдістемелік қолдау, педагогикалық тәжірибе алмасу алаңы. Филиалда жыл сайын ең үздік педагогикалық тәжірибелерді анықтауға ықпал ету мақсатында «Үздік жетекші мектеп», «үздік конструктивистік сабақ», «үздік коучинг-сабақ» конкурстарын өткізу дәстүрге айналды. Филиалдың тренерлері – «оқыту үдерісінде сабақты зерттеуді тиімді пайдалану» әдістемелік тақырыбы бойынша жұмыс істейтін, әдістемелік құралдар мен ұсыныстар жазумен айналысатын шығармашылық команда, облыстың жетекші мектептерінің жұмысын көрсететін 3D-постерлердің авторлары болып табылады.

×

Филиал туралы

Ақтөбе қаласындағы «Педагогикалық шеберлік орталығы» ЖМ филиалы 6 қызметкерден тұратын тренерлер командасынан құралған. Филиал қызметінің негізгі бағыты – Жетекші мектептер мен олардың кәсіби қоғамдастықтарының желісін дамыту арқылы Облыстың білім беру ұйымдарының педагогтерінің біліктілігін арттыру және әдістемелік сүйемелдеу. Филиал ағылшын тілі мұғалімдеріне арналған Каникулдық мектеп, Жетекші мектептердің аймақтық форумы, Жетекші мектептердің байқаулары, мұғалімдер қауымдастығының пәндік әдістемелік күндері сияқты жобалармен танымал. Сондай-ақ, филиал үш тілділік аясында АҚШ Елшілігімен ынтымақтастық серіктестікте.

×

Филиал туралы

Филиалда Алматы қаласындағы педагог кадрлардың біліктілігін арттырумен айналысатын 12 қызметкер жұмыс істейді. Филиалдың тренерлер ұжымы «мұғалімдердің зерттеу тәжірибесін дамытуда Lesson Study тәсілін қолдану» тақырыбына зерттеу жүргізеді, оған 200-ден астам директор, аймақтың 1000 мұғалімі қатысты. Филиалдың есебінде 7500-ден астам мектеп басшылары мен мұғалімдері үшін өткізілген 300-ге жуық біліктілікті арттыру курстары бар. Кәсіби жеке қызығушылық, алған тәжірибені беру және басқа педагогтердің тәжірибесін қабылдау және Назарбаев Зияткерлік мектептерінің озық тәжірибесі аясында «100 кітап, 100 ән», «ата-аналардың жұмыс орындарында бір күн» атты интернет конкурстарына жақын орналасқан өңірлердің педагогтерін белсенді қатыстыруға себеп болды.

×

Филиал туралы

Атырау қаласындағы «Педагогикалық шеберлік орталығы» ЖМ филиалы 2013 жылы ашылды. Филиалда жұмыс істеу кезеңінде облыстың 5000-нан астам педагогі оқытылды. Филиалда педагогтердің үздіксіз кәсіби білім алуына барлық қажетті жағдай жасалған. Облыстың біліктілігін арттыру бағдарламалары бойынша оқудан өткен Х. Досмұхамедов атындағы гуманитарлық колледжі, Катира Дүтбаева ат. Гуманитарлық колледжінің білім беру ұйымдары педагогтерінің кәсіби қызметін қолдау аясында желілік білім беру қауымдастығының белсенді жұмыстары жүргізілуде.

×

Филиал туралы

Шахтерлер қаласында орналасқан «Педагогикалық шеберлік орталығы» ЖМ филиалы 2012 жылы ашылды. Филиалда қазақстандық және шетелдік сарапшылардың қатысуымен дайындалған 10 сертификатталған тренер жұмыс істейді. Филиал қызметінің негізіне қазақстандық білім беруді әлемдік білім беру кеңістігіне біріктіру және реформалау жағдайында облыс педагогтерін үздіксіз кәсіби дамыту идеясы алынған. Тренерлер құрамының жұмысындағы басым бағыт ересектерді оқыту тәжірибесін зерттеу және жетілдіру, Қарағанды облысы педагогтерінің желілік кәсіби қауымдастығы аясында мұғалімнің көшбасшылық қасиеттері мен зерттеу дағдыларын дамытуға бағытталған жобаларды енгізу және сүйемелдеу болып табылады.

×

Филиал туралы

Көкшетау қаласындағы «Педагогикалық шеберлік орталығы» ЖМ филиалы 2011 жылы құрылды. Филиалда 9 адамнан тұратын қызметкерлер командасы жұмыс істейді. Филиал Ақмола облысы педагогтерінің кәсіби өсуін жетілдіру бойынша жұмыс істейді. Филиалдың басты жетістігінің бірі – облыстың жетекші мектептеріне жүйелі түрде әдістемелік қолдау көрсету. Филиалдың әдістемелік тақырыбы – «жүйелі қолдау көрсету және кәсіби даму құралдарын ұсыну арқылы жетекші мектеп үйлестірушілерінің көшбасшылық ұстанымын дамыту». Жетекші мектептермен жұмыс тәжірибесінің нәтижелері 4 халықаралық конференцияларда ұсынылған (2016, 2018–World Association of Lesson Study, 2016, 2017 – VIII/IX «Назарбаев Зияткерлік мектептері» ДББҰ Халықаралық ғылыми – практикалық конференцияларында).

×

Филиал туралы

Қостанай қаласындағы «Педагогикалық шеберлік орталығы» ЖМ филиалы 2012 жылы құрылды. Филиалда жалпы білім беретін ұйымдардың педагог кадрларының біліктілігін арттыру Бағдарламасын жүзеге асыратын тренерлердің шығармашыл ұжымы жұмыс істейді. Теренерлер ересектерді оқытудағы үрдістер мен тәсілдерді біріктіре алады, әріптестерді off және online режимінде оқытуды әзірлеуге және өткізуге қабілетті. Филиал жұмысының ерекшелігі – бұл оқытудағы графикалық органайзерлерді құру және педагогикалық мақсаттарға жету құралы ретінде ойын түрін пайдалану. «Мұғалімдердің зерттеу дағдыларын дамыту мақсатында жетекші мектеп педагогтерінің өзара әрекеттесуін басқаруды үйлестіру» әдістемелік тақырыбының жұмысы аясында біздің филиал педагогтердің зерттеу дағдыларын дамыту үшін «Insight лаборатория» педагогикалық ойыны құрастырды, мектеп басшыларына арналған «білім берудің жаңартылған мазмұнын енгізу жағдайында мектеп менеджерлерінің өзара әрекеттестігі арқылы мектепті дамытудың тиімді бағдарламасын құру» практикумы мен «педагогтерді кәсіби қолдауда визуалды коммуникация құралдары» әзірленді.

×

Филиал туралы

«Педагогикалық шеберлік орталығы» ЖМ филиалы сол қалада орналасқан. Филиалда Қызылорда облысының педагог кадрларының біліктілігін арттырумен айналысатын 10 шығармашыл қызметкерден тұратын ұжым жұмыс істейді. Филиалдың негізгі ұстанымы – жалпы құндылықтарға, көшбасшылық мәдениетіне және жоғары кәсіби әлеуетке бағытталған даму. Филиал білім беру мазмұнын жаңарту бағдарламасын практикаға енгізу бойынша тірек алаңға айналған инновациялық мектептермен жүйелі түрде жұмыс жүргізеді. «Әдістемелік керуен» жобасы аясында филиал білім беру ұйымдарын әдістемелік қолдауды қамтамасыз ету бойынша іс-шаралар ұйымдастырды. 2016 жылы филиал Педагогикалық шеберлік орталығы ұйымдастырған «Идеяларды біріктіреміз, тәжірибені жетілдіреміз» әдістемелік фестивалінде 2017 жылдың қорытындысы бойынша тренерлер тобы «Үздік тренер командасы» байқауында «кәсіби шеберлік және жоғары сапа» номинациясының иегері атанды. Филиал зерттеу жұмыстарын жүргізеді, оның мақсаты педагогтердің кәсіби әлеуетін арттыру болып табылады. Зерттеу нәтижелері Эксетер қаласында өткен «WALS – 2016» халықаралық конференциясының, Мәскеу қаласындағы жоғары Экономика мектебінің білім беру институтының ғылыми-практикалық конференциясында ұсынылды.

×

Филиал туралы

Филиалдың жалпы тәжірибесі 7 жылды құрайды. Осы кезеңде филиал базасында 5000 мұғалім біліктілікті арттыру курсынан өтті. Тренерлердің шығармашыл командасы жетекші мектептер, ЖОО, колледждер және мектепке дейінгі білім беру мекемелері арқылы облыстың педагог кадрларының біліктілігін арттырумен және курстан кейінгі қолдаумен айналысады. Филиал қызметкерлері жыл сайын кәсіби байқауларда өз шеберліктерін дәлелдейді: «Жыл тренері» конкурсы – III орын, «Идеяларды біріктіреміз, тәжірибені жетілдіреміз» фестивалінде «мақсаткерлік және жоғары нәтижелері үшін» номинациясы, «үздік тренерлік команда-2017» байқауы – ІІ дәрежелі диплом және «Көрермендер көзайымы» грамотасы. Филиалдың тренерлері өз білімдерін үнемі жетілдіріп отырады, өзін-өзі дамытудың жаңа жолдары мен әдістерін іздейді, халықаралық, республикалық, аймақтық конференциялардың белсенді қатысушылары болып табылады, кәсіби журналдарда және ғылыми конференциялардың жинақтарына материалдар жариялайды.

×

Филиал туралы

Петропавл қаласындағы «Педагогикалық шеберлік орталығы» ЖМ филиалы өз жұмысын 2013 жылы бастады. Алты жыл ішінде әртүрлі бағдарламалар бойынша 6000-ға жуық мұғалім оқытылды. Филиалдың тренерлер командасы «лидерлік ұстаным және жұмыстағы жеке жауапкершілік», «шешім қабылдаудағы коллаборативтік және тренерлік қызметтегі тренерлік сындарлылық тәсілдемесі» қағидаттарының негізінде жұмыс істейді. Біз үшін тренер болу – өзін-өзі дамыту мүмкіндігі, шексіз шығармашылық, қанағаттандыру және танылу. Біздің филиал тренерлері нәтижелерді көрсетуде тұрақты. Филиалдың тренерлері үнемі өз білімін жетілдірумен айналысады, әлемге танымал ғалымдардың педагогикалық және психологиялық еңбектерін зерделейді және талқылайды, олардың тәжірибесін өз тәжірибесінде пайдаланады. Лондонда болып, Мәскеу бизнес-мектебі ұйымдастырған «көшбасшылық және басқару тиімділігі» семинарына және Санкт-Петербургте «Болашақ мектебін қалыптастыру» семинарына қатысты.

×

Филиал туралы

Талдықорған қаласындағы «Педагогикалық шеберлік орталығы» ЖМ филиалы өз қызметін 2011 жылы бастады. 15 адамнан тұратын тренерлер командасы біліктілікті арттыру бағдарламалары бойынша оқытумен, Алматы облысы педагогтерін курстан кейінгі әдістемелік қолдаумен айналысады. Филиалдың халықаралық жұмыс тәжірибесі бар: Еуропалық Одақтың «Түркіменстандағы білім беру жүйесімен қарым-қатынас» жобасы аясында жалпы білім беретін мектептердің мұғалімдері, жоғары оқу орындарының оқытушылары, Түркіменстан Республикасының Ұлттық білім беру институтының қызметкерлері үшін «оқытудың инновациялық әдістері» курсы өткізілді. «Формативті бағалау: мүмкіндіктер және жетілдіру жолдары» атты әдістемелік тақырыпты жүзеге асыру бойынша І. Жансүгіров атындағы Жетісу мемлекеттік университетімен серіктестік орнату жаңа сапалы деңгейде жұмыс істеуге ықпал етті. Филиал жаттықтырушыларының қолдауымен аталмыш ЖОО оқытушылары бағалау бойынша жаңа элективті курстар бағдарламасын әзірлейді. Сонымен қоса жоғары оқу орнымен бірлесе Бағалау бойынша ғылыми-практикалық конференциялар әзірленіп, өткізілді.

×

Филиал туралы

Тараз қаласындағы «Педагогикалық шеберлік орталығы» ЖМ филиалы 2012 жылы құрылды. Филиалда Жамбыл облысының педагог кадрларының біліктілігін арттырумен айналысатын тренерлер командасы жұмыс істейді. Жалпы алғанда тренерлермен 5000-нан астам педагог түрлі бағдарламалар бойынша оқытылды. Филиалдың жұмысы «Іс-әрекеттегі зерттеу: мектеп пен мұғалімнің проблемаларын шешудегі тиімді жол» атты әдістемелік тақырыппен біріктіріледі. Зерттеу жұмыстарына өңір мектептерінің мұғалімдері тартылды. Филиал жаттықтырушыларының жоғары біліктілігінің арқасында осы бағыттағы жұмыс жоғары нәтиже береді. Мұғалімдер мен мектеп басшылары әртүрлі педагогикалық конкурстарда жүлделі орындарға ие болып, жүргізілген зерттеулердің қорытындысы бойынша әдістемелік ұсыныстар шығарады.

×

Филиал туралы

«Педагогикалық шеберлік орталығы» ЖМ филиалы 2012 жылы құрылды. Орал қаласындағы Филиал өзекті білім беру жобаларын әзірлеудегі бастамашылықтың жоғары деңгейімен ерекшеленеді: облыстың филиал базасында жалпы білім беру ұйымдары басшыларының біліктілігін арттыру батыс аймағының «Мектеп-Шеберлік сыныптар» төрт бағдарламасы бойынша «Директорлар клубы» және мектеп директорларының тағылымдамасы, қауымдастығы жұмыс істейді; Ақтөбе қаласының филиалымен бірлесе отырып, 2019 жылы Ақтау қаласының филиалы жетекші мектептердің жыл сайынғы форум өткізуге қатысады. Форум барысында білім беру мазмұнын жаңартуды әдістемелік қолдау мәселелерін белсенді талқылаудан басқа «үздік кәсіби қоғамдастық» өңірлік конкурсы форумның дәстүрлі элементіне айналды»; М. Өтемісұлы Батыс Қазақстан мемлекеттік университеті студенттерінің педагогикалық тәжірибесін жаңғырту бойынша бірлескен жоба USM (University – School – Mastery). М. Өтемісов атындағы БҚМУ базасында педагогикалық инноватиканың бірлескен халықаралық зертханасы ашылды. Ақтөбе қ. ПШО филиалымен бірлесіп «ағылшын тілі» маманын шақыру жобасын өткізуге бастама жасалды.

×

Филиал туралы

Өскемен қаласында “Педагогикалық шеберлік орталығы” ЖМ филиалы 2011 жылдан бастап жұмыс істейді. 11 адамнан тұратын тренерлер командасы ШҚО педагог мамандарының кәсіби шеберліктерін арттыру және үздіксіз курстан кейінгі әдістемелік қолдау көрсетумен айналысады. Сонымен қатар, филиал тренерлері республика педагогтеріне әдістемелік нұсқаулықтар, құралдар жазу, онлай, офлайн форматта өткізілетін біліктілікті арттыру курстарының бағдарламасын құрастыру және педагогикалық зерттеулер жүргізумен айналысады. Филиалдың халықаралық ұйымдармен жұмыс істеу тәжірибесі бар: “Критерийлерге негіздеп оқу жетістіктерін бағалау” тақырыбында Түрікменстан Республикасының педагог кадрларының біліктілігін арттыру курсы өткізілді, Халықаралық серіктестік шеңберінде А. Топорков атындағы Алтай білім беруді дамыту институтымен педагог мамандарының біліктілігін арттыру саласында ынтымақтастықта жұмыс жүргізілуде (Барнаул, Ресей Федерациясы). Филиал Сәрсен Аманжолов атындағы Шығыс Қазақстан мемлекеттік университетінің педагог мамандарды дайындайтын кафедраларының профессорлық-оқытушылық құрамымен бірлесіп, ғылыми-зерттеу, ғылыми-әдістемелік және білім берудің жаңа технологияларын пайдалану бағытында тығыз байланыста жұмыс істейді.

×

Филиал туралы

Филиалдың тренерлері – кәсіби, креативті команда, пдегагоикалық кадрларды курстан кейінгі сүйемелдеу арқылы үздіксіз кәсіби біліммен айналысады. Тренерлер педагогикалық кадрларды даярлаумен айналысатын жоғары оқу орындары мен колледждердің профессорлық-оқытушылық құрамын оқыту жобаларына қатысады. 2019 жылы филиал тренерлері Еуропалық Одақтың «Түркіменстандағы білім беру жүйесімен қарым-қатынас» жобасының қатысушылары болды. Филиал ұжымдық рух және ұйымшылдығымен ерекшеленеді. Филиалдың «Жыл тренері» республикалық байқауындағы алғашқы жеңісі – 2 орын, «2017 жылдың үздік тренерлер командасы» байқауында 3-орын иеленуі атаулы оқиғаға айналды.Филиал аймақтың педагогикалық қоғамдастығы арасында беделге ие бола отырып, алға қойылған міндеттерді орындауды жалғастыруда.