ПШО-ның басым міндеті – республика мұғалімдерін біліктілікті арттыру білім беру бағдарламалары бойынша оқыту үшін тренерлер құрамын даярлау. Тренерлер корпусының кәсіби біліктілігін үнемі арттыру және әдістемелік әлеуетін қалыптастыру мақсатында үздіксіз оқыту жүйесі құрылды және ол қосымша курстарда/семинарларда оқуды, біліктілікті арттыру бағдарламаларын жасауға қатысуды, мұғалімдерге әдістемелік еңбектерді жазуды, республикалық және халықаралық конференцияларға қатысуды қамтиды.
ПШО тренерлері екі жыл сайын «НЗМ» ДББҰ педагогикалық өзгерістер Орталығының Сараптамалық кеңесі арқылы сыртқы сертификаттау/кері сертификаттау рәсімінен өтеді. Тренерлерде Кембридж университетінің кәсіби шеберлігінің жоғары деңгейін растайтын халықаралық сертификаттар бар.
Біліктілікті арттыру курстары тренерлерінің профильдерімен мына сілтеме бойынша танысуға болады: https://beyim.edu.kz/catalog/trainers