2020 жылдың 13–17 сәуір аралығында Педагогикалық шеберлік орталығының (әрі қарай – Орталық) тренерлері Назарбаев Зияткерлік мектептерінің (әрі қарай – НЗМ) мұғалімдеріне әдістемелік қолдау көрсету мақсатында НЗМ 7–11-сыныптарына 11 пән бойынша 305 онлайн сабақтарына бақылау жүргізді.
Бақылау нәтижелерінің қорытындысы ретінде мұғалімдер мен әкімшілікке арналған әдістемелік ұсыныстар жасалып, мектептерге жіберілді.
Осы жұмыстың нәтижесінде Орталық тренерлері 2020 жылдың 5–6 және 11–13 мамыр аралығында 20 вебинар топтамасын өткізді. Вебинарлардың тақырыптары мұғалімдердің оқыту мен оқу әдістеріне, оқушылардың оқу жетістіктерін бағалауға, білімді меңгертуде оқу үдерісіне қызығушылықты арттыру үшін онлайн қызметтерді тиімді қолдану және жұмыс істеуге деген қажеттіліктеріне байланысты анықталды.
Вебинарларды өткізу аясында қашықтан оқыту жағдайында оқушылардың білім алуын тиімді ұйымдастырудың жан-жақты қарастыратын кәсіби сұхбат ұйымдастырылды. Мұғалімдермен бірге қашықтан оқытудың онлайн және офлайн форматтарында педагог пен оқушының практикалық іс-әрекеті зерттелді, 4 тоқсан мен бір аптадағы оқушының оқу жоспары қарастырылды, онлайн конференцияға қатысушы оқушылардың назарының шоғырлануы, онлайн платформаларда оқуға ынталандыру, мұғалімнің сараланған оқытуды ұйымдастыруда жұмыс формаларын қолдануы, сонымен қатар қалыптастырушы бағалау мен кері байланыс беру құралдарын тиімді қолдану қарастырылды.
НЗМ пән мұғалімдері бірнеше апта бойы қашықтан оқыту форматында жұмыс жасау барысында өткізілген вебинарлар ашық алаңдар ретінде тәжірибе мен идеялар алмасудың оңтайлы жүйесі мен бірлескен ортасына айналғанын атап өтті. Әр вебинарда логикалық қорытынды жасалды, қатысушылар өз сұрақтарына кері байланыс ала отырып келешекте ынтымақтастықта жұмыс істеуде әдістемелік қолдау көрсету бағыттары мен тақырыптарын анықтады.
Вебинарға қатысушы мұғалімдер келесідей пікірлерін қалдырды:
Қашықтықтан оқыту кезеңінде Педагогикалық шеберлік орталығы тренерлерінің вебинарларды өткізуі мұғалімдерге әдістемелік қолдау көрсету үшін өте қажет деп ойлаймын. Талқыланатын тақырыптардың әрқайсысы олардың оқыту мен оқу тәжірибелерін жаңа форматта талдауға көмектеседі. Тәжірибе алмасу және саралаудың тиімді әдістерін, оқушылармен жұмыс формаларын талқылау мүмкіндігі ұсынылды.
Сабитова А.С., Нұр-Сұлтан Халықаралық мектебі
Барлығы анық әрі нақты. Модель түріндегі керемет бонус «Педагогикалық дөңгелектер». Өзекті ойлар мен тұжырымдар!
Бабич И. М., Павлодар қ. ХББ НЗМ
Топта жұмыс жасағаным ұнады. Мен кері байланысты қамтамасыз ету қағидаларын ұстанамын. Бүкіл вебинардың басынан аяғына дейін пайдалы болды.
Каримсакова Ж. Т.
Ақтөбе қ. ФМБ НЗМ
Мен енді Джон Хаттидің «Көрнекі оқу» жазбаларындағы кері байланыс туралы білемін. Сонымен бірге кері байланыс берудің басқа тәсілдерін білемін.
Ізіқұлова М., Қызылорда қ. ХББ НЗМ
Бұл өзекті мәселелер, әріптестердің практикалық кеңестері менің жұмысыма көмектесті. Ең құнды ақпарат – қорланған жүйе. Қолдау көрсеткеніңіз үшін рахмет.
Бурханова Д. С., Атырау қ. ХББ НЗМ