Конференция аясында NIS Педагогикалық шеберлік орталығы «AI Sabak Track» интеллектуалды қосымшасын таныстырды.
Жасанды интеллект негізінде жұмыс істейтін цифрлы құрал сабақ барысын бақылау және талдауға мүмкіндік береді. Сабақты бақылаушы қосымша арқылы сабақ үстінде болып жатқан барлық деректер, фактілер мен дәлелдерді енгізеді. Ал қосымша осы мәліметтер негізінде жиырма жеті компонент, жүздеген критерий бойынша ауқымды аналитикалық талдау жасайды, сонымен қатар сабақты жақсарту жөніндегі нақты ұсыныстарды береді.
Қосымша мұғалімдердің кәсіби қажеттіліктерін айқындап, олардың кәсіби дамуының бағыттарын болжауға, оқыту сапасын талдауға жағдай жасайды. Сондай-ақ сабақ нәтижелерін арнайы бағалау шкалалары бойынша сараптай алады. Педагогикалық шеберлік орталығының эксперті Сапура Жолдасбаеваның айтуынша, жоба әлі де жасақталу кезеңінде:
– Әріптестерім – тренерлер Төлеген Нугербаев, Асия Купешева, Айман Ибраева, Ақбота Тоқтағанова, Юлия Мельникова және IT мамандар Денис Жилин, Назерке Ақжол, Мадияр Айыпханмен бірге шамамен он ай бойы жұмыс істедік. Жобаны әзірлеу барысында жүзден астам сабақ талданып, халықаралық зерттеулер негізге алынды, – дейді ол.
Демонстрациялық сабақ барысында қатысушылар қосымшаның мүмкіндіктерімен танысып, оның тәжірибелі бақылаушылардың өзі назардан тыс қалдыруы мүмкін маңызды жайттарды қамтитынына көз жеткізгенін айтты.
.jpeg "На международной конференции было представлено приложение «AI Sabak Track»")
.jpeg "На международной конференции было представлено приложение «AI Sabak Track»")
