Білім беру бағдарламаларын әзірлеу бойынша серіктестер
Кембридж университетінің Халықаралық ынтымақтастық және білім беру Кеңесі (Ұлыбритания)
Ынтымақтастық шеңберінде ортақ жобалар орындалуда, метапәндік құзыреттер, оқыту әдістемесі және технологиясы бойынша біліктілікті арттыру бағдарламалары әзірленуде, бірлескен зерттеулер жүргізілуде, Орталық тренерлеріне тәлімгерлік, кәсіби дайындық, біліктілікті арттыру сұрақтары бойынша тұрақты түрде қолдау көрсетіледі.
EduCluster Finland (ECF), Ювяскюля Университеті (Финляндия)
ECF – финдік білім беру спектріндегі жаңашыл-сарапшы және PISA, TIMSS, PIRLS, PIAAC халықаралық зерттеулерін және басқа да маңызды әлемдік бақылау зерттеулерін жүргізетін халықаралық озық тәжірибе орталығы. ECF сарапшылары функционалдық сауаттылық, инклюзивті білім беруді дамыту, STEM пәндерін интеграциялау бағдарламаларын әзірлеуде кеңес береді.
Чапел-Хиллдегі (АҚШ) Солтүстік Каролина университеті
Басшылардың басқарушылық құзыреттілігін дамыту бойынша университет сарапшыларымен ынтымақтастық жүзеге асырылады. Мектепті басқару және көшбасшылық бойынша әдістемелік әзірлемелер жалпы білім беретін мектеп басшыларының біліктілігін арттыру курстарында қолданылады.
Camtree, the Cambridge Teacher Research Exchange (Кембридж педагогикалық зерттеулер биржасы)
Camtree – мұғалімдер мен білім беру мекемелерінің басшыларына оқу процесін жақсартуға және білімдерімен бөлісуге көмектесетін әлемдегі алғашқы платформа. Ынтымақтастық қазақстандық мұғалімдерге ғылыми жұмыстар дайындауда және оларды Camtree цифрлық кітапханасының https://library.camtree.org/ беттерінде жариялауда қолдау көрсетуге бағытталған.
Ұлттық білім беру саясатын зерттеу институты (Жапония)
Ұлттық білім беру саясатын зерттеу институтының сарапшылары қазақстандық әріптестерімен бірлесіп оқыту мен оқуды жақсартудың тиімді тәсілі ретінде Lesson Study бағдарламасын енгізудің жапондық алгоритмдерін талдап, материалдарды мұғалімдерге арналған бағдарламалар мен оқыту семинарларын әзірлеу үшін пайдаланады. Қазақстандық мектептерде Lesson Study әдісін қолдану бойынша бірлескен зерттеулер халықаралық конференцияларда ұсынылған.
«Steam Азербайджан» инновациялық орталығы
Ғылым, технология, техника, өнер және математика саласындағы пәнаралық тәсілдер (STEAM) шеңберінде мұғалімдердің оқыту құзіреттілігін дамытуға бағытталған бағдарламаларды әзірлеуде ынтымақтастық, бұл білім беру үдерісінің сапасын арттыруға және білім беру ұйымдарында инновациялық жобаларды табысты жүзеге асыруға мүмкіндік береді.