Жаңалықтар

«Жас ұстаз: табысқа апарар жол» республикалық жас педагогтер форумының екінші күнінде еліміздің әр өңірінен келген 11 жас қатысушы NIS Педагогикалық шеберлік орталығы тренерлерімен бірлесе отырып, «Цифрлық мұғалім: сән немесе қажеттілік», «Зерттеу тәжірибесі: жас педагогтің өсу нүктесі», «Сабақ форсайты: ойлау образынан оқыту құралдарына дейін», «Педагогикалық ангажемент: тартамыз және оқытамыз», «Оқытудағы дифференциация: лайфхактар мен креативті ойлар», «Бағалау: күрделі қарапайым түрде» тақырыптары бойынша шеберлік сабақтарын өткізуде.

Шеберлік сабақтарының барысында функционалдық және цифрлық сауаттылық, математикалық оқу жобаларына оқушылардың ықыласын арттыру, электронды оқулықтар мен мобильді қосымшаларды қолдану, туған өлкені оқып-үйренуге арналған бағдарлама әзірлеу, оқушыларды ынталандыруға арналған театр үйірмесін құру, бағалау және кері байланыс жайлы келелі мәселелер талқыланды.