Жас педагогтердің «Жас ұстаз: табысқа апарар жол» республикалық форумына қатысушылар арасында байқау ұйымдастырылды. Байқау шарты 16-17 тамыз күндері «Жас ұстаз: табысқа апарар жол» республикалық форумы туралы креативті фото-видео түсіріп, іс-шарадан алған әсерлерімен пост жазып, бөлісу болды.Байқау жеңімпаздарына Педагогикалық шеберлік орталығының тренерлерінің Сабақты зерттеу бойынша жұмыс нəтижелері, мектепте Сабақты зерттеу тәсілін іске асыруға арналған әдістемелік материалдар мен ресурстар жиынтығынан тұратын Lesson Study Box берілді.Айта кету керек, NIS
Педагогикалық шеберлік орталығы Дүниежүзілік Сабақты зерттеу қауымдастығы Сараптамалық кеңесінің (World Association of Lesson Studies) ресми мүшесі. WALS-ке мүше болу Lesson study Kazakhstan жобасын əзірлеуге жəне жүзеге асыруға мүмкіндік берді.Форумның қорытынды кешінде байқау жеңімпаздарына NIS Басқарма Төрайымы К.Н. Шамшидинова ұтыс сыйлығын табыстап, қатысушыларға жылы лебізін білдірді.