Тақырыптық секцияда бүгінгі таңда мектеп басқарып отырған бағдарлама түлектері өздерінің басқарушылық тәжірибелерін бөлісті. Олар қызметтің алғашқы жылдарында кездескен қиындықтар, өзгерістерді енгізу, шешім қабылдау және жаңадан тағайындалған басшыларға қолдау көрсету мәселелері туралы әңгімеледі.
Айта кетейік, 2023–2025 жылдары жүзеге асқан бағдарлама аясында 1004 педагог арнайы даярлықтан өтіп, олардың 986-сы республикалық кадрлық резервке енді. Қазіргі таңда бағдарлама түлектерінің 58%-ы мектеп басшысы қызметін атқарып жүр. Панельдік сессияда қатысушылар басшылық даярлығының нақты жұмысқа әсерін, мектептердегі өзгерістердің нәтижелерін және жаңа басшыларға қажетті қолдау тетіктерін талқылады.
Сонымен қатар NIS Педагогикалық шеберлік орталығының тренерлері Қарлығаш Бурунбетова, Шакизат Алтаева, Айман Ибраева және Динара Әділғазықызы XV Халықаралық NIS конференциясында сабақты зерттеу бағытындағы ізденістерін таныстырды.
Баяндамаларда Lesson Study үдерісінде мұғалімдердің зерттеушілік және аналитикалық құзыреттілігін дамыту, сыныптағы оқушы әрекетін дәлелдер негізінде бақылау, жиналған деректерді терең талдау және нәтижелерді оқыту тәжірибесін жетілдіруге қолдану мәселелері қарастырылды.
Баяндамаларда Lesson Study үдерісінде мұғалімдердің зерттеушілік және аналитикалық құзыреттілігін дамыту, сыныптағы оқушы әрекетін дәлелдер негізінде бақылау, жиналған деректерді терең талдау және нәтижелерді оқыту тәжірибесін жетілдіруге қолдану мәселелері қарастырылды.