Пленарлық отырыста елордадағы білім беру және жетекші мектептерді дамыту векторына, құндылықтарға негізделген білім беру ортасын құру, орта білім мазмұнын жақсарту мәселелері және жетекші мектептер жұмысының нәтижелеріне ерекше назар аударылды.⠀ ⠀
Форум бағдарламасы отандық білім беру мұғалімдері үшін ең танымал форматтарды қамтиды: мектеп басшыларының, үйлестірушілер мен мұғалімдердің секциялық отырыстары, Talent-Management бойынша «Педагогтерді дамуға шабыттандырып үйренейік» форсайт сессиясы, ПШО тренингтері.⠀ ⠀ Жұмыс барысында 100-ге жуық педагог келесі бағыттар бойынша отандық білім берудегі табысты кейстерді ұсынды: мектеп тәжірибесінде білім беру жобаларын енгізу, сабақты зерттеу, кәсіби қоғамдастық, инновациялық жобаларды жүзеге асырудағы шығармашылық ынтымақтастық, инновациялық жобалар, жас мұғалім мектебі, білім беруде жасанды интеллект қолдану және т.б.⠀
Айта кету керек, Орталық қосылған серіктес мектептердің командалары үшін каскадтық әдіс бойынша оқыту мен мектепті басқарудың үздік тәжірибесін тарататын құрылымдық мектепаралық қауымдастықтар болып табылатын жетекші мектептер желісі арқылы қазақстандық мұғалімдерге жүйелі әдістемелік жұмыс жасайды.⠀
