2021 жылы 21 желтоқсан күні «Назарбаев Зияткерлік мектептері» ДББҰ Педагогикалық шеберлік орталығы оқушылардың креативті ойлауын дамыту бойынша кезекті вебинар өткізді.
Іс-шарада спикерлер Раушан Әбішева мен Қаламқас Әбдікәрімова креативті ойлау, 21 ғасырдың құзыреттері, сыни және креативті ойлаудың ерекшеліктері мен айырмашылықтары, топта жұмыс істеу, келіссөздер жүргізу және байланыс орнату, шығармашылық шешімдер қабылдау, түбегейлі жаңа идеяларды түсіну, қабылдау және құру қабілеттері туралы өзекті ақпаратты ұсынды.
2000-нан астам қатысушы жазбаша, көрнекі бейнелеуге және жаратылыстану-ғылыми, әлеуметтік мәселелерді шешуге арналған кешенді тапсырмаларды қарастырды. Вебинар нәтижесінде қатысушылар оқушылар арасында креативті ойлауды дамыту жайында ұсыныстар алды.
Қазақ тіліндегі вебинар жазбасының сілтемесі: https://youtu.be/3NYE1WjDKfk
Орыс тіліндегі вебинар жазбасының сілтемесі: https://youtu.be/nya9NFvd8mM

