«Назарбаев Зияткерлік мектептері» ДББҰ Басқарма төрағасы Әнуар Жанғозин «Заманауи мұғалім: оқытудан зерттеуге» өзекті курсы аясында төрт модуль жоспарланғанын атап өтті. Олардың барлығы заманауи білім берудің ең сұранысқа ие басымдықтарына, соның ішінде әлемдік педагогиканың жаһандық трендтеріне және нақты оқытушы үшін нақты құралдарға арналатын болады.⠀
Әзірбайжандық әріптестерге арналған оқу бағдарламасы Жаһандық білім беру жөніндегі комиссияның Азия хаб комиссары Күләш Шамшидинованың ашық дәрісінен басталды. Урбанизация дәуірінде мәңгілік сұрақтарға жауаптар қандай болуы керек, альфалар не үйренеді, қазіргі уақытта ата-аналар мен балаларды не біріктіреді, мектептің цифрлық трансформациясы неден басталады, оқушының жеке траекториясын кім жасайды – шетелдік мұғалімдердің үлкен қызығушылығы бүгінгі таңда барлық елдердің педагогтерін толғандыратын негізгі сұрақтарды тудырды.⠀ ⠀
Әзірбайжан делегациясы үшін Астананың көрікті жерлерімен танысуды көздейтін үлкен мәдени бағдарлама да дайындалды.⠀ ⠀
Әзербайжандық әріптестермен кең ауқымды ынтымақтастық Педагогикалық шеберлік орталығының шетелдік мұғалімдердің біліктілігін арттыру және қазақстандық зияткерлік технологияларды әлемдік білімге сәтті трансляциялау бойынша жүйелі жұмысын логикалық түрде жалғастыруда.⠀
