Жаңалықтар

2018 жылдан бастап Педагогикалық шеберлік орталығы мектепке дейінгі ұйым педагогтерінің біліктілігін арттыруды іске асыруда. Бұл курста оқыған алғашқы тыңдаушылар балабақша педагогтері мен меңгерушілер сертификатталу үшін сыртқы бағалаудан өтті.

Биылғы жылы Мектепке дейінгі тәрбиелеу мен оқытуды дамытудың моделі негізінде жаңа бағдарламалар даярланды:

– балабақша меңгерушілері мен әдіскерлеріне арналған «Мектепке дейінгі ұйымдағы менеджмент практикасы: балаларды дамыту бағдары» бағдарламасы;

Бағдарлама мектепке дейінгі ұйым басшылары мен әдіскерлерінің мектепке дейінгі ұйымды басқару жөніндегі кәсіби құзыреттерін жетілдіруді көздейді.

– балабақша педагогтеріне арналған «Баланы ерте дамыту бағдарлары» бағдарламасы.

Бағдарлама мектепке дейінгі ұйым педагогтерінің баланы ерте дамыту процесінің тұтастығын қамтамасыз ету үшін заманауи әдіс-тәсілдерді меңгеруіне, баланың балабақшадағы күнін ұйымдастыруда ойын тәсілдемесін қолдану тәжірибесін жетілдіруге және өз тәжірибесін зерттеу мәдениетін дамытуға бағытталған.     

Жаңа бағдарламалар бойынша курстан өткен тыңдаушылар баланы ерте дамыту процесінің тұтастығын қамтамасыз ету үшін заманауи әдіс-тәсілдерді меңгеруге, баланың балабақшадағы күнін ұйымдастыруда ойын тәсілдемесін қолдану тәжірибесін жетілдіруге және өз тәжірибесін зерттеу мәдениетін дамытуға мүмкіндік алды.

Айгерім Сұлтанғазина, №79 «Шабыт» балабақшасының әдіскері:

– «Мектепке дейінгі тәрбиелеу мен оқытуды дамыту моделі» аясында білімімді толықтырып, педагогикалық ұжымды басқаруда тиімді әдіс-тәсілдерді үйрендім. Курстан алған білімімізді қолдана отырып ата-ана мен балабақша арасында тығыз байланыс орнатуға, жүйелі жұмыс жүргізуге, өз балабақшамызға жаңашылдықтар енгізуге мүмкіндік алдық. Сондай-ақ педагогтерге балалардың бойынан физикалық, коммуникативтік, танымдық-зияткерлік, шығармашылық, зерттеу, әлеуметтік-эмоционалдық дағдыларын дамытуға арналған жұмыстарды ұйымдастырдық.