«Заманауи мектептің тиімді көшбасшысы» стратегиялық сессиясында кадрлық резервке қатысушылар білім берудегі жаһандық үрдістер барлық елдердегі мұғалімдер үшін бірдей екеніне көз жеткізді.⠀
Элейн Уилсон республикалық бағдарламаның жоғары стандарттарға сай екенін атап өтті.⠀ ⠀
– Педагогикалық шеберлік орталығында оқу барысында менде айтулы тұлғалық өзгерістер болды, әр нәрсеге терең ой жүгірте бастадым. Ал Элейнмен кездесу бәрімізді ерекше шабыттандырды. Мен статистикалық деректерді, әсіресе әртүрлі халықаралық зерттеулер мен есептерді зерттеудің қаншалықты қызықты екенін түсіндім. Біз Элейнмен бірге директорларды психологиялық дайындау, көшбасшылардың кәсіби қоғамдастықтарын құру, заманауи білім беруді реформалау сияқты біз үшін басым мәселелерді талқыладық, – деді Астанадағы №36 орта мектеп директорының орынбасары Гүлжазира Сұлтанова.⠀ ⠀
Қазан айында отандық мектептердің болашақ басшылары соңғы үшінші модульді меңгереді, оның аясында олар ең күрделі тақырыптар – білім саласындағы заңнама мен мемлекеттік бюджет, әлеуметтік капитал және әлеуметтік серіктестік, жобаларды басқару, аналитикалық құзыреттіліктер салалары қамтылған. ⠀ ⠀
Кембридж университетінің профессоры Элейн Уилсонның стратегиялық сессиялары Алматы мен Шымкентте⠀де өтті.
