– NIS әрқашан өз тәжірибесін таратуға тырысады, әсіресе біздің назарымызда – ауыл мектептері. Біз балалардың әл-ауқаты үшін отандық мектептердің ішкі әлеуетін бірлесіп дамытып, арттырып жатқанымызға қуаныштымыз, – деп жобаның басталуымен құттықтады «Назарбаев Зияткерлік мектептері» ДББҰ Басқарма төрағасы Әнуар Жанғозин. ⠀ ⠀
– «Назарбаев Зияткерлік мектептері»⠀ДББҰ-мен бірлескен жобаның нәтижесі бірнеше ауылдық перспективті мектептің базасында құрылатын педагогикалық академия болады, оның жұмысы педагогтердің тұрақты кәсіби дамуына бағытталмақ. Ол үшін біз Педагогикалық шеберлік орталығымен бірге ішкі тренерлерді дайындаймыз, – дейді⠀ESEN Foundation қорының өкілі Камила Башарова.⠀ ⠀ Бүгін Целиноград ауданы Қараөткел ауылындағы мектеп базасында 30 ауылдық мектептің директорлары мен директорлардың орынбасарлары стратегиялық жоспарлау әдістері мен технологияларымен танысты, мектепті дамыту бағдарламасын әзірлеуді үйренді, мектеп бойынша деректер негізінде шешім қабылдау және қабылданған басқарушылық шешімдердің тиімділігін бағалау дағдыларын пысықтады.⠀ ⠀
Сондай-ақ жоба аясында Педагогикалық шеберлік орталығы Ақмола облысы Целиноград ауданының мектептерінде педагогердің кәсіби қажеттіліктеріне зерттеу жүргізді, сабақтарды бақылау және жаңа оқу жылында 30 ауыл мектебінің басшылары мен мұғалімдеріне арналған біліктілікті арттырудың бірқатар оқыту курстарын, семинарлар мен шеберлік сағаттарын ұйымдастырады.
.jpg "Совместно развиваем сельские школы⠀")
