Жаңалықтар

Құрама сапында ел намысын қорғаған Ерболат Сансызбайұлы әлемдік додада 17-ші нөмірмен тамаша ойын көрсетті.

Ерболат әріптесіміздің құрамасы әлем чемпионатында Таиланд, Австрия, және Франция құрамаларын басып озып, тек Ұлыбританияға есе жіберді.

Ұйымдастырушылар қазақстандық құраманың ойынына тәнті болып, 2-орын алғанына қарамастан, 2023 жылы В тобында өтетін келесі чемпионатқа қатысуға жолдама берді.

Құрама жетістігі мұнымен бітпейді. Биыл Омбыда өткен «Сібір Кубогі» халықаралық турнирінде күміс, Ханты-Мансыда «Біргеміз. Спорт» паралимпиадашылардың Қысқы ойындарында қола медаль жеңіп алды. Өткен жылы Сочидегі «КХЛ Континент Кубогі» хоккейден халықаралық турнирде төртінші орынды иемденді.

Ерболат Сансызбайұлы: «Жеңіске жеткенімізге қатты қуандым. Барлығы қас-қағым сәтте өте шықты. Қолдау білдіргендеріңізге рақмет! Жарыс жоғары деңгейде өтті.

Ерболат Сансызбайұлы, Педагогикалық шеберлік орталығы жетістігіңізбен мақтанады және әрдайым қолдайды!