«Назарбаев Зияткерлік мектептері» ДББҰ Педагогикалық шеберлік орталығы 2020 жылдан бастап Қазақстан Республикасы Білім және ғылым министрлігінің Білім беру саласындағы сапаны қамтамасыз ету Комитетінің және оның аумақтық департаменттерінің қызметкерлерін оқытудың іс-шаралар топтамасын өткізеді.
27–28 ақпанда Алматы, Нұр-Сұлтан, Шымкент қалалары мен облыс орталықтарында «Білім беру мазмұнын жаңарту жағдайында сабақты бақылау әдістері мен тәсілдері» тақырыбында алғашқы семинар өз жұмысын бастады. Семинардың мақсаты мамандарға әдістемелік қолдау көрсету және мұғалімдердің кәсіби құзыреттілігін дамыту мақсатында сабақты тиімді бақылау және кері байланыс жасау дағдыларын жетілдіру болып табылады.
Сабақ барысында мектепте білім беру үдерісін ұйымдастырудың ерекшеліктері, тиімді оқыту және оқушылардың оқу жетістіктерін бағалау аспектілері, сабақты жоспарлаудағы жаңа тәсілдер қарастырылады. Практикалық сабақтар деректерді жинау және талдау әдістерін, конструктивтік кері байланысты ұсыну және мұғалімнің рефлексивтік тәжірибесін дамытуға бағытталған.