Осы және басқа да мәселелер NIS Педагогикалық шеберлік орталығында оңтайлы шешімін тапты.
2022 жылы ПШО жас педагогтердің тиімді өзара іс-қимылын ұйымдастыру мақсатында «Жас ұстаз: табысқа апарар жол» жобасына бастамашы болды. Негізгі фокус – мектептегі білім беруді дамытуда стратегиялық маңызды кадрлық ресурс ретінде жас педагогтермен жүйелі әдістемелік жұмыс жүргізу.
Жоба аясында ел көлемінде тұңғыш рет Оқу-ағарту министрлігінің өкілдері, белгілі шетелдік сарапшылар – EduCluster Finland (Финляндия) профессоры, PhD, Дэвид Марш пен Кембридж университетінің (Ұлыбритания) Білім беру, реформалар және инновациялар жөніндегі командасының директоры Элейн Уилсонның қатысуымен өткен еліміздегі ең белсенді және шығармашыл 122 жас мұғалімге арналған «Жас ұстаз: табысқа апарар жол» бірінші республикалық форумы өтті. Медиа тұлғалар: бизнесмендер, журналистер, актерлер, спортшылар арасынан мотивациялық спикерлердің сөз сөйлеуі қатысушылардың ерекше қызығушылығын тудырды.
Жас мұғалімдермен жұмысты жалғастыру үшін еліміздің 20 аймағында «Жасампаз жас ұстаз» жас педагогтер клубы құрылып, «Жас ұстаз: табысқа апарар жол» аймақтық форумдары өткізілді, оған жалпы білім беретін мектептерден 3000-нан астам жас маман қатысты.
Қатысушылар үшін жұмыс тәжірибесімен алмасу шеберлік сабақтары ұйымдастырылды («Сандық мұғалім: сән немесе қажеттілік», «Зерттеу тәжірибесі: жас педагогтің өсу нүктесі», «Сабақ форсайты: ойлау тәсілінен оқыту құралдарына дейін», «Педагогикалық ангажемент: тартамыз және оқытамыз», «Оқытудағы дифференциация: лайфхактар және шығармашылық идеялар», «Бағалау: жай күрделі туралы»), «Зерттеуге болмайды» педагогикалық батлы, тренингілер. Жас педагогтер педагогикалық кәсіптің табыстылығының құпияларын талқылады: мектепте өзіңді қалай дамыту және әріптестеріңді дамыту, рефлексивті тәжірибені қалай жақсарту, командада қалай тиімді болу керек және т.б.
ПШО тренерлері сауалнама барысында жас педагогтердің өздері анықтаған тақырыптар бойынша 14 семинар мен вебинар ұйымдастырды: мамандыққа қалыптасу, өз тәжірибесін зерттеу, сабақты тиімді жоспарлау, оқытудағы саралау, сыныпта өзіндік жұмысты ұйымдастыру және т.б.
ПШО жас мұғалімдерді тұрақты қолдау үшін Instagram әлеуметтік желісінде «Жас ұстаз: табысқа апарар жол» парақшасын ашты, онда пост пен бейнематериалдар, жас мұғалімдердің лайфхактары жарияланды.
Бүгінде Клуб жас педагогтердің тығыз ынтымақтастығы мен өзара іс-қимылы үшін сұранысқа ие базалық алаңға, кәсіби қоғамдастық ауқымында тәжірибе алмасуда драйверге айналды.