Мәртебелі марапатты ҚР Оқу-ағарту министрі Асхат Аймағамбетов Нұр-Сұлтан қаласында өткен республикалық тамыз конференциясында табыстады.Жақсылық Маханбетұлы білім беру саласында айтулы еңбек өтілі бар білімді маман. ПШО-дағы қызметін 2012 жылдан бастап, білім беру саласын дамыту жолында аянбай еңбек етіп келеді.Бұған дейін бағдарламалау, робототехника курстарын әзірлеп, аталған саланың дамуына үлес қосқан.Іскер басшы, шебер ұйымдастырушы, кәсіптік деңгейі жоғары маман пандемия кезеңінде мұғалімдерге арналған «onlinе.cpm.kz» және «sdo.cpm.kz» қашықтан оқыту платформасын әзірлеуге бастамашы болды. Бүгінде бұл платформа арқылы жыл сайын 40 мыңға жуық ұстаз біліктілігін арттырады.Орталық ұжымы Жақсылық Маханбетұлын марапатымен құттықтай отырып, шалқар шабыт, толағай табыс тілейді!Орталықтың цифрлық дамуы жолындағы еңбегіңіз еселене берсін!