Жаңалықтар

Семинардың алғашқы күні тренерлер білім берудегі нейромаркетингімен және нейроменеджментпен танысты, оқу үдерісіндегі эмоциялардың рөліне толығырақ тоқталды (спикер Айман Қазыбаева). Келесі сессияда тренерлер тыңдаушылардың эмоционалды жай-күйін анықтауға, эмоционалды-психологиялық жағдайына, басқа адамның көңіл күйіне, тәжірибелеріне назар аударуға және біліктілікті арттыру курстарында эмоционалды калибрлеу туралы білімді қолдануға үйренді (коуч-психологтер Данил Файзуллаев пен Анар Тәңірбергенова).

Бірінші күннің қорытынды сөзінде тренерлер әлеуметтік желілердегі нақты кейс мысалдарымен коммуникациялық менеджмент және беделді PR арқылы арттыру (медиа-тренер, PR-коуч Ақерке Берлібай) саласындағы инсайттармен танысты.

Семинардың екінші күні ПШО тренерлерінің жұмысы тыңдаушылардың қажеттіліктерін ескере отырып, тренерлік сессияларды жоспарлауға, олардың прогресін мониторингілеу құралдарын пайдалануға, курстарда оқытудың өзіндік практикасының рефлексиясына бағытталған «Араны қайрау» практикумдарының сериясы форматында жалғасты.

Семинар еліміздің барша өңірінен тартылған тренерлерді байланысқа қосу арқылы офлайн және онлайн форматтарда өтті.