«Назарбаев Зияткерлік мектептері» ДББҰ Педагогикалық шеберлік орталығы Қазақстан Республикасының жалпы білім беретін мектептерінің басшылары мен педагогтеріне қашықтан оқытуды ұйымдастыру мәселелеріне байланысты әдістемелік көмек көрсетуді жалғастыруда. Сонымен, 30 наурыз бен 5 сәуір аралығында ПШО тренерлері 115 вебинар өткізді (6 439 педагог қамтылды), 24 052 педагог үшін 594 жеке және топтық консультациялар ұйымдастырды. Мұғалімдер арасында онлайн сабақтарды жоспарлау, әртүрлі ақпараттық ресурстарды пайдалана отырып, оқушылар үшін сараланған тапсырмаларды әзірлеу, өзіндік жұмыстарды ұйымдастыру және кері байланысты ұсыну тәсілдері жөнінде тақырыптар үлкен сұранысқа ие болып отыр.
Сондай-ақ, ПШО Қазақстан Республикасы Білім және ғылым министрлігінің тапсырмасы негізінде, еліміздің жалпы білім беру мектептерінің педагогтері, ата-аналары мен оқушылары үшін 7 түсіндірме бейнеролик әзірледі, онда тәжірибелі тренерлер қашықтан оқытуды ұйымдастыру жөнінде кеңестер берді.