“Корпоративтік оқу” жобасы “Назарбаев Зияткерлік мектептері” ДББҰ қызметкерлерінің кәсіби және жеке тиімділігін дамыту мақсатында 2020 жылдың қаңтарында басталған болатын. Жобаның ұйымдастырушы Педагогикалық шеберлік орталығының тренерлері ай сайын оқытатын іс-шаралар өткізеді.
2020 жылы 17 сәуірде 398 қызметкерге корпоративтік оқыту аясында қашықтан оқыту режімінде қазақ және орыс тілдерінде «Agile: жылдам және тиімді жұмыс істеу» тақырыбы бойынша вебинарлар өтті. Вебинарларды Педагогикалық шеберлік орталығының тренерлері Байгаринова Жанна Қалымқанқызы және Идришева Зухра Ерланқызы жүргізді.
Вебинарлардың мақсаты – командалық жұмыс үдерісінде жеке және жұмыс мақсаттарын қоюда Agile әдісін қолдану. Вебинар авторлары Шон Ковидің «Мақсаттарға қалай жетуге болады? 4 орындау тәртібі», Патрик Ленсионидің «Жұмыстың үш белгісі», Лисса Адкинстің «Коучинг agile-команда» және Тимоти Голвидің «Жұмыс ішкі ойын ретінде» атты кітаптарында сипатталған командалық жұмысты ұйымдастыру идеяларын ұсынды. Қатысушылар графикалық органайзерді пайдалана отырып практикалық тапсырмаларды орындады: сыни маңызды мақсаттар қойды, озыңқы және кешігу көрсеткіштерін тұжырымдады, табло пайдаланды және есеп беру кестесін жасады. Жүргізушілер визуалды материалдарды, таныстырылымдарды, графиктерді, суреттерді пайдаланды және жұмыста Agile әдісін қолданудың өзіндік тәжірибесімен бөлісті.
Кері байланыс барысында қатысушылар тренерлердің кәсіби шеберлігі мен бағдарлама мазмұнына жоғары қызығушылық танытып, кәсіби құзыреттілікті дамытуда алған білімдерінің практикалық құндылығын атап өтті.
Вебинарды мына сілтеме арқылы қарай аласыздар https://www.youtube.com/watch?v=WBhbVjYo61g
Қазірден бастап, тренерлер осы жылдың мамыр айына жоспарланған келесі вебинар бағдарламасын әзірлеуге кірісті және оның сілтемесі әрбір қызметкердің корпоративтік поштасына қосымша жіберілетін болады.