Әлемдік деңгейдегі танымал сарапшылар Тошиа Чичибу мен Ясутака Кизуканың шеберлік сағаттарында сабақты зерттеудің трансформациялары, командалық талқылау мен жоспарлау және басқа да өзекті мәселелер талқыланды. Қатысушылар сонымен қатар жергілікті мектептердегі сабақтарға қатысып, мұғалімдердің өзара талқылау процесін тамашалады.⠀
⠀
–⠀Сапар аясында Токио университетінің профессоры Томонори Ичиянаги, сондай-ақ зерттеу топтарымен мазмұнды әңгіме өрбіттік. Біз өзіміз үшін әрбір оқушының жеке табыс тарихының аясында оның қажеттіліктері мен дамуын зерттеудің маңыздылығын атап өттік, –⠀дейді⠀Ұлытау облысы әдістемелік орталығы бөлім басшысының міндетін атқарушысы Айгүл Хаблекбер.⠀
