Білім беру туризмі
Педагогикалық шеберлік орталығының «Білім беру туризмі» жобасы 2019 жылдан бастап жүзеге асырылып келеді. Бұл жобаның ерекшелігі қазақстандық педагогтердің сабақтарда «Сабақты зерттеу» (Lesson Study) тәсілін қолдана отырып, шынайы ортаға ену бойынша кәсіби дамуын арттырудың бірегей мүмкіндігінде.
Жоба шеңберінде Токио қаласына сапар (Жапония), Lesson Study жапон сарапшылары өткізетін Жапонияның Білім, мәдениет, спорт, ғылым және технологиялар министрлігі базасында «Сабақты зерттеу: жапон мектептерінің тәжірибесі» семинарына қатысу; сабақты зерттеуді бақылау және зерттеу үдерісін ену мақсатында жапон мектептеріне бару мүмкіндігі қарастырылған.
Жоба қатысушылары әртүрлі сабаққа қатысуға, сабақты талқылап жатқан мұғалімдерді бақылауға, сұрақтар қоюға және жапон мектептеріндегі мектеп өмірін көруге мүмкіндік алады.
Жоба Токио қаласының көрікті жерлерін аралататын мәдени-таныстыру бағдарламасын көздейді.
Сонымен қатар, еліміздің жалпы білім беретін мектептерінің мұғалімдері үшін Нұр-Сұлтан қаласында көшпелі семинарлар мен шеберлік сыныптарын ұйымдастыруды және өткізуді ұсынады.
Жоба аясында Педагогикалық шеберлік орталығының жетекші тренерлерін оқыту, сертификаттар берілетін сіз үшін өзекті бағыттар бойынша семинарлар, Назарбаев Зияткерлік мектебі мұғалімдерінің жұмысына бару және бақылау, Қазақстан Республикасының астанасында мәдени мазмұнды бағдарлама қарастырылған. Ұжымдық өтінімдер қабылданады.
Фотогалерея
