2017 жылы Батыс Қазақстан және Ақтөбе облыстарында бастау алған Қазақстан Республикасының жетекші мектептерінің аймақаралық форумдарын өткізу идеясын Қазақстанның барлық өңірлері белсенді қолдады. Осылайша, 2020 жылы 17 облыстың жетекші мектептері бес ірі аймақаралық форумға біріктірілді. Бұл жұмыс тиімді, өйткені жетекші мектептерге желілік орталықтар ретінде кәсіби педагогикалық қоғамдастықтарда жұмыс істеу үшін кең байланыстар орнату арқылы басқа салалардағы әріптестермен ынтымақтастықты кеңейтуге мүмкіндік береді. Аталмыш іс-шаралардың басты мақсаты – мектеп қауымдастығы қызметінің нәтижелерін талқылау, білім беру мазмұнын жаңартуға қолдау көрсету және негізінен шекаралас облыстардан шыққан мектеп көшбасшыларының тәжірибесін ұсыну. Аймақаралық форумдар – бұл инновациялық тәжірибеге арналған ашық алаңдар.