Педагогикалық шеберлік орталығы

Оқушылардың функционалдық сауаттылығын дамыту жөніндегі EduCluster Finland сарапшыларының семинары

2020 жылғы 10-14 ақпан аралығында Педагогикалық шеберлік орталығының қызметкерлеріне арналған EduCluster Finland (ECF) сарапшыларының қатысуымен семинар өткізілуде.

ECF 2019 жылы білім беру саласында дүниежүзіндегі 100 университеттің әлемдік алдыңғы қатарына кірген Эвяскюля университетінің базасында құрылған. Бұл университет PISA, TIMSS, PIRLS, PIA зерттеулері бойынша білім беру шеберлігінің және басқа да әлемдік белгілі зерттеулердің халықаралық орталығы болып табылады. Соңғы 8 жылда ЕСҒ-ге 200-ден артық халықаралық жоба тартылған.

Семинар мақсаты – функционалдық сауаттылықты түсіндіруді дамыту (ОЭСР PIS мақсаттары үшін белгілендей), мұнда математика, ғылыми пәндер, оқылым және креативті ойлау бағыттары қамтылады. Семинар барысында функционалдық сауаттылықтың бірнеше түрлері зерделенетін болады, пәнді мазмұн арқылы кіріктірудегі тапсырмаларды әзірлеу жүзеге асырылады.

Семинар жұмысына мына сарапшылар қатысады: доктор Инка Аалто – Эвяскюля университетінің Мұғалімдерді даярлау мектебінің оқытушысы; профессор Йуни Валиярви – Эвяскюля университетінің Финдік білім беруді зерттеу институтының бұрынғы директоры, 19 жыл бойы PISA ОЭСР жобаларының ұлттық жетекшісі, ОЭСР, ЕС түрлі сараптау топтарының мүшесі; доктор Олли-Пекка Малинен – мұғалімдердің кәсіби білім алу, халықаралық білім саясаты мен инклюзивтік білім беру саласында көп жұмыс тәжірибесі бар ЕСҒ жетекші сарапшысы; доктор Ян Лундел – Эвяскюля университетінің Химия факультетінің профессоры, LUMA орталығының директоры, АКТ және жаратылыстану ғылымы мұғалімдерін кәсіби дамыту саласындағы ғылыми білім беру сарапшысы; доктор Юха Оикконен – Хельсинки университетінің математика және статистика факультетінің еңбек сіңірген профессоры, Ғылыми-білім беру орталығы директорының орынбасары міндетін атқарушы, Математика орталығының негізін салушы.


 10.02.2020     763

Тізімге кері қайту