Педагогикалық шеберлік орталығы

Жаңалықтар

«Сабақты зерттеу-бірлескен оқу тәсілі» тақырыбында облыстық жетекші мектептер үшін өткізілген тәжірибелік конференция
«Сабақты зерттеу-бірлескен оқу тәсілі» тақырыбында облыстық жетекші мектептер үшін өткізілген тәжірибелік конференция
«Назарбаев зияткерлік мектептері» ДББҰ Атырау қаласындағы педагогикалық шеберлік орталығы филиалы 2019 жылдың 19-20 наурызында Атырау облысы білім басқармасымен бірлесе отырып, И.Тайманұлы мектебі базасында «Сабақты зерттеу-бірлескен оқу тәсілі» тақырыбында облыстық жетекші мектептер үшін тәжірибелік конференциясы өткізілді. Мақсаты: Мұғалімдер оқытуды жетілдіру және кәсіби дамуды арттыру құралы ретінде мектептерде сабақты зерттеу үдерісін пайдалану үшін әріптестермен қалай ынтымақтастық орнатуға және сабақты зерттеу кезінде әріптестермен қарым-қатынас орнату арқылы қалай қолдау көрсетуге болатынын нақтылайды. Күтілетін нәтиже: Мұғалімдер сабақты зерттеу үдерісін пайдалануда сабақты зерттеу дағдыларын жетілдірді, дерек жинау әдістері мен деректерді талдау, қорытындылау және оқытудағы келешек өзгерістерді жоспарлауда тәжірибеде кездескен кедергілерді шешу жолдарын табады. Мұғалімдер сабақты бірлесіп жоспарлау әдістемесін меңгеру нәтижесінде оқу мен оқытудың жаңа тәсілдерін қолданудағы білім мен дағдыларын жинақтайды. Конференцияның салтанатты ашылу рәсіміне облыстық білім беру басқармасының басшысының міндетін атқарушы Төремұратова Ж.М, «НЗМ» ДББҰ Атырау қаласы Педагогикалық шеберлік орталығы филиалының директоры Нуржанова А.Т қатынасып, құттықтау сөз сөйледі. Сондай-ақ конференцияға облыстық, қалалық, аудандық білім бөлімдерінің әдістемелік кабинет меңгерушілері, Атырау облысы бойынша жетекші мектептерінің директорлары, мектеп координаторлары, мектеп тренерлері және «НЗМ» ДББҰ Педагогикалық шеберлік орталығының Кембридж университетімен бірлесе дайындаған біліктілікті арттыру бағдарламалары негізінде сертификатталған мұғалімдерінен құрылған 150 мұғалімдер мен педагогтер қатысты. Қатынасушы жетекші мектептің басшылары сабақты зерттеу және серіктес мектептерімен жасалынған жұмыс іс тәжірибелерін рол-апп түрінде жарнамалады. Одан соң жетекші мектеп топтарымен пікірталас шеңберінде әр мектептің өз мектептерінде өткізген сабақты зерттеу тәжірибелері бойынша көкейтесті мәселелерден фасилитациялық сессия пікірталас шеңберінде өтті. Онда әр мектеп сабақты зерттеу тәжірибесінен SWOT талдау жасап, сессия барысында креативті матрица бойынша талданды және алда атқарылатын әрекеттерін нақтылады. Конференцияда сонымен қатар білім беру мазмұнын жаңарту жағдайында сабақты зерттеу мәселелері бойынша 21 жетекші мекетептерден құрылған топ жеті жұмыс шеберханасында баяндамашы және пікірталастырушы ретінде қатынасты. Онда сабақты зерттеу топтарын (командаларын) құру қағидалары; Зерттеу сұрағын қалай анықтауға болады? Бірлесе сабақты жоспарлаудың тиімді тәжірибелері; Сыныпты бақылау жүргізудің тиімді әдістері мен тәсілдері. Сабақты талқылау бойынша тиімді тәжірибелер; Сабақты зерттеу нәтижелерін құжаттауды ұйымдастыру тәжірибелері. Әріптестермен тәжірибе алмасу формаларының тиімді түрлері тақырыптарында өз тәжірибелерінен таныстырылымдардан идеялар жәрмеңкесіне қатынасты.
Облыстық «Тәлімгер және тәлім алушы» кәсіби шеберлік байқауы
Облыстық «Тәлімгер және тәлім алушы» кәсіби шеберлік байқауы
Атырау қаласы Педагогикалық шеберлік орталығының 2019 жылға арналған жоспарына сай 2019 жыл 25-26 ақпанда Облыстық «Тәлімгер және тәлім алушы» кәсіби шеберлік байқауы ұйымдастырылды. Мақсаты: Мектеп ұстаздарының тәлімгерлік қызметтерін жетілдіру және идеясын насихаттау арқылы тәлімгерлік жұптардың жетістіктерін дәріптеу. Педагог қызметкерлердің кәсіби біліктілігін арттыра отырып, инновациялық тәртіпте қызмет ететін талантты ұстаздарды қолдау. - Күтілетін нәтижелер: Мұғалімдер жаңартылған білім беру бағдарламасының құрылымын, ондағы материалдардың күрделілігінің өсу ретін, тәлімгерлік үдерісті жақсартудың мазмұнын және мақсаттарын анықтайды және кәсіби біліктілігі артады; Мұғалімдер жаңартылған білім беру бағдарламасы шеңберінде рефлексиялық кәсіби әңгіме арқылы сабақты жетілдірудің мазмұны туралы тәжірибелерімен бөліседі. Іс-шараның өзектілігі: Жаңартылған білім беру мазмұнын жүзеге асыру мақсатында мұғалімдердің кәсіби өсуіне қолдау көрсету; Облыс мұғалімдерінің өз тәжірибелеріндегі тәлімгерлік үдерісті жақсарту үшін оларды педагогикалық тәсілдермен таныстыру, озық тәжірибелермен бөлісу болды. «Тәлімгер және тәлім алушы» кәсіби шеберлік байқауына аудан, қала мектептерінен тәлімгерлік 13 жұп (тәлімгер және тәлім алушы) қатысты. Атырау қаласы педагогикалық шеберлік орталығының директоры А.Т.Нуржанованың кіріспе сөзімен және байқауға қатынасушылардың жеребе арқылы рет саны анықталып байқаудың салтанатты ашылуы болды. Облыстық «Тәлімгер және тәлім алушы» кәсіби шеберлік байқауы 2 кезеңнен тұрды:  1 кезең (сырттай) – 11-15 ақпан 2019 жылы өткізілді онда байқауға қатысушылар «Жаңа үлгідегі тәлімгер қандай болуы тиіс» атты шығарма-монолог» (эссе) жазып, тәлімгерлік қызмет тәжірибесінен буклет-презентация (5 слайдтан артық емес) арқылы өз жұмыстарыны баяндауға тиіс болды. Байқаудың 2 кезеңі ІІ турдан тұрды  I тур: Деректеме кәртішкесі (визитка) (5 минутқа дейін) тәлімгер және тәлім алушы бірге ұсынады.  II тур: Тәлім алушы сабағының үзіндісі (15 минутқа дейін), сабақты талдау – тәлімгер (5 минутқа дейін). Облыстық «Тәлімгер және тәлім алушы» кәсіби шеберлік байқауының салтанатты жабылуы - 26 ақпан күні өттіп, байқау қорытындысы бойынша І орын - Исатай ауданы Қ.Мырзағалиев атындағы орта мектебінің тәлімгері Рскалиева Эльмира Махсотовна тәлім алушы Утешова Гулжанат Абугалиевна иемденсе. ІІ орын - Жылыой ауданы №2 орта мектебінің тәлімгері Темирова Эльмира Жумабаевна мен тәлім алушы Тлепбергенова Гаухар Дагистановна мен Исатай ауданы Исатай орта мектебінің тәлімгері Есмаганбетова Бубек Галымжановна мен тәлім алушы Дәржанова Күншапақ Бейімбетқызы иемденді. ІІІ орын - Атырау қаласы Қ.Сәтпаев атындағы №19 мектеп-гимназия тәлімгері Бисекенова Бакитгул Жолдыбаевна тәлім алушы Утемисова Айнур Нурлыбековна Атырау қаласы Ж.Қаражігітов атындағы №16 мектеп-лицейінің тәлімгері Нурушева Зульфия Сабитовна тәлім алушы Бекболатова Ляззат Нурсипатовна, Индер ауданы М.Әуезов атындағы орта мектебінің тәлімгері Утепкалиева Гулсара Зинелгабиденовна мен тәлім алушы Оразова Әсемгүл Жасталапқызы иемденді. Сондай ақ барлық қатысушылар Атырау қаласындағы Педагогикалық шеберлік орталық филиалының «Алғыс хатымен» марапатталды.
«Мониторинг пен эвалюация үдерісінің алғашқы нәтижелерін талдау негізіндегі даму»
«Мониторинг пен эвалюация үдерісінің алғашқы нәтижелерін талдау негізіндегі даму»
«Назарбаев зияткерлік мектептері» ДББҰ тәжірибесін тарату бағытында Атырау қаласындағы Педагогикалық шеберлік орталығы базасында «Мониторинг пен эвалюация үдерісінің алғашқы нәтижелерін талдау негізіндегі даму» тақырыбы бойынша жетекші мектептерінің басшыларына арналған оқыту семинары болып өтті. Семинардың мақсаты: Білім беру мазмұнын жаңарту жағдайында заманауи мектепішілік кәсіби даму құрылымындағы каскадты оқыту тәжірибесін жетілдіру мен жаңашыл идеялары бар жетекшімектептерінің педагогтеріне Атырау аймақтың білім беру жүйесінде тиімді басқаруды қолдану арқылы оқыту мен оқуды сапалы ұйымдастыруды одан әрі дамытуға және жетекшімектептерінің көшбасшы мұғалімдерінің кәсіби дамуына қолдау көрсетуді көздейді. Күтілетін нәтиже: Пікір алмасу арқылы озық тәжірибелердің қажеттілігін анықтайды. жетекшімектептері тәжірибе алмасады, Қамтылған аудитория: 21 жетекші мектебі басшылары. Мақсатқа жету барысында мына іс –шаралар жасалынады: Атырау қаласы Педагогикалық шеберлік орталығының директоры Нуржанова А.Т кіріспе сөз сөйледі.Атырау облыстық білім басқармасы әдістемелік орталық маманы Кулбалиева Н және 21 жетекші мектептерінің басшылары қатысты. Атырау қаласы химия-биология бағытындағы директордың бейінді-экспериментальды жұмыстар жөніндегі орынбасары Исмагулова С.М. «Назарбаев Зияткерлік мектебінің іс-тәжірибесін тарату. Жетекші мектептердің жоспарын жасақтаудағы алғы шарттар» тақырыбында тәжірибелік таныстырылым жасады. «Жетекші мектептің даму жоспарындағы ерекшеліктер» тақырыбында Исатай ауданы Ж.Мырзағалиев атындағы орта мектептің директоры Исмагулова Т.И. және Индер ауданы М.Әуезов атындағы орта мектептің директоры Даулетова Р.Қ « жетекшімектебінің жұмысын қалай тиімді ұйымдастыруға болады?» тақырыбында шеберлік сынып өткізіп, өз тәжірибелерін ортаға салды. Қорытындысында ПШО әдіскер менеджері Есбосынов Н.М ұйымдастыруымен жетекші мектептердің жылдық жоспарына SWOТ арқылы талдау жасалынды.
«Оқу үдерісінде қалыптастырушы бағалауды жүзеге асырудың жолдары» атты облыстық семинар
«Оқу үдерісінде қалыптастырушы бағалауды жүзеге асырудың жолдары» атты облыстық семинар
Атырау қаласы Педагогикалық Шеберлік Орталығы филиалының жоспарына сай Атырау облыстық «Білім-Инновация» лицейінде 2019 жыл 24 қаңтарда «Оқу үдерісінде қалыптастырушы бағалауды жүзеге асырудың жолдары» атты облыстық семинар болып өтті.
Семинар мақсаты: педагогтардың бір-бірінен тәжірибе алмасуларына қолдау көрсету, кері байланыс алу, тәлімгерлік ету. Семинарға аталған мектеп «Білім-Инновация» лицейі– жетекші мектеп болғандықтан осы мектептің серіктес мектептері қатынасты. Семинарға Атырау қаласы Педагогикалық шеберлік орталығы филиалының директоры А.Т.Нуржанова мен филиал тренері А.С.Тажигалиева қатынасушыларға түрлі тақырыптағы құрылымдалған сабақты бақылау картасын таратып, сабақтарға бақылау жасау картасымен жұмыс жүргізуді  басшылыққа алды. Сабақты талдау кезінде мұғалімдер өздеріне берілген карталар бойынша сабақта сәтті болған тұстары  мен оқушының ойлау дағдысын дамыту үшін жасалған іс-әрекеттерін, қалыптастырушы бағалау үшін жасалған критерийлер  туралы пікір алмасты, сұхбаттасты, қатынасушылар сабақ өткізген мұғалімдерге кәсіби әңгімеге тарту мақсатында сұрақтар қойды. Сабақ өткізген «Білім-Инновация» лицейінің ағылшын тілі пәні мұғалімі А.Гочиява, химия пәні мұғалімі Ч.Араджы, қазақ тілі пәні мұғалімі Д.Хасановалар өз сабақтарына кәсіби әңгімеге бағытталған кері және ілгері байланыс жасады.
Физика пәні мұғалімі А.Қазыбеков «Физика сабағында теориялық білімді тәжірибелік сабақтармен ұштастыру» тақырыбында шеберлік сыныбын өткізді. Соңынан мұғалім Л.Омарханова «Қалыптастырушы бағалау – оқу үдерісінің ажырамас бөлігі» тақырыбында «дөңгелек үстел» өткізді.
«Дөңгелек үстелде» Атырау қаласы Педагогикалық Шеберлік Орталығы филиалының директоры Нұржанова Аида Төлеухановна жетекші мектептер мен серіктес мектептердің өзара ынтымақтасқан жұмысын тиімді үйлестіру бойынша ойларын ортаға салып, Педагогикалық Шеберлік Орталығының болашақтағы жетекші мектептердің ісшара жоспарларымен таныстырды, сонымен бірге, «Білім-Инновация» лицейі мұғалімдері тарапынан көрсетілген шараларға кері байланыс ретінде талқылау орын алды. Педагогикалық Шеберлік Орталығы филиалының тренері Тажигалиева Алтыншаш Сагиевна көтерілген мәселе бойынша мұғалімдердің жетілдіретін тұстарына ұсынысын білдірді.Талқылау барысында қатысушылар жалпы семинарға қатысты пікірлерін білдірді.
«Кәсіби даму дегеніміз – тәжірибе+рефлексия» формуласын есепке алатын болсақ, семинар соңында қатынасушылар осындай шаралардың мұғалімнің кәсіби тұрғыда дамып, тәжірибесін жетілдіріп, желілік қауымдастықта ынтымақтастықты арттырады деген тұжырымға келді.

«Көшбасшылық. Педагогика мәселелері»  тақырыбында Кембридж университетінің Білім беру факультетінде тағылымдамадан өтіп келген қала, аудан мұғалімдерінің қатысуымен әдістемелік семинар ұйымдастырылды.
«Көшбасшылық. Педагогика мәселелері» тақырыбында Кембридж университетінің Білім беру факультетінде тағылымдамадан өтіп келген қала, аудан мұғалімдерінің қатысуымен әдістемелік семинар ұйымдастырылды.

Атырау қаласы Педагогикалық шеберлік орталығының жоспарына сай 2019 жыл 8 қаңтарында «Көшбасшылық. Педагогика мәселелері» тақырыбында Кембридж университетінің Білім беру факультетінде тағылымдамадан өтіп келген қала, аудан мұғалімдерінің қатысуымен әдістемелік семинар ұйымдастырылды.

Мақсаты: Кембридж университетінің Білім беру факультетінде біліктілік арттыру тағылымдамасынан өткен 6 мұғалімнің іс-тәжірибелерімен бөлісу.

Күтілетін нәтижелер:

Жаңартылған білім беру мазмұнын жүзеге асыру мақсатында тағылымдамадан өткен 6 мұғалімнің рефлексиялық-педагогикалық тәсілдерін назарға ала отырып, өзге мұғалімдердің кәсіби өсуіне қолдау көрсетуге жұмылдыру;

Облыс мұғалімдерінің өз тәжірибелерін жақсарту үшін оларды, біліктілік арттыру тағылымдамасынан өткен 6 мұғалімнің қатысуымен онлайн кеңестер, вебинарлар ұйымдастыруды жоспарға алу.

Іс-шараның өзектілігі:

2012 жылдан бері Қазақстанда Назарбаев Зияткерлік мектептері мен Кембридж университетінің Білім беру факультетінің бірлесіп әзірлеген «Деңгейлік бағдарламалар» бойынша педагог кадрлардың біліктілігін арттыру үдерісі басталған болатын. Еліміздің білім беру саласындағы жүргізіліп жатқан жаңа реформаны жүзеге асырудың ықпалы артып келеді. Осы мақсатта, Атырау қаласы педагогикалық шеберлік орталығының директоры Нуржанова Аида Толеухановна 2016-2017 жылдары Кембридж университетінің Білім беру факультетінде «Педагогика мәселелері: Көшбасшылық, іс-әрекетті зерттеу» тақырыбындағы оқу бағдарламасымен 6 айлық тағылымдамадан өтті. А.Т.Нуржанова тағылымдамадан оралған сәтінде Облыс әкімі Н.А.Ноғаевтың жеке қабылдауында болып, «Осы Кембридж университетінен Қазақстанның қарапайым ауыл мектептерінің мұғалімдері тәлім алып, өз көздерімен көрсе ғой...» деген ойымен бөліскен болатын. Міне, болашақты тәрбиелеу үшін мұғалім тәлімінің мықты болмағын ойлаған Облыс әкімі Н.А.Ноғаев жалпы білім беретін мектеп мұғалімдеріне қолдау көрсетіп, Атырау облысының 6 мұғалімі 2018 жылдың 8 қараша мен 17 желтоқсан аралығында Кембридж университетінің Білім беру факультетінде біліктілік арттыру тағылымдамасынан өтті. Н.Естаева (Атырау қаласы Ы.Алтынсарин атындағы о/м), З.Нурышева (Атырау қаласы Ж.Қаражігітов атындағы №16 о/м), О.Орлова (Атырау қаласы Пушкин атындағы №20 о/м), А.Тасбулатова (Мақат ауданы Б.Қанатбаев атындағы о/м), Г.Куспановалардың (Мақат ауданы Б.Қанатбаев атындағы о/м), А.Қожантаевалардын (Махамбет ауданы Д.Төленов атындағы о/м) іс-тәжірибелерімен бөлісу, облыс көлеміне тарату өзге мұғалімдердің педагогикалық жұмысына серпін береді деген пікірдеміз.

Аталмыш семинарды ұйымдастыра отырып, Облыстағы мектеп мұғалімдерінің өзара ықпалдаса жұмыс істеулерін жолға қою мақсаты жүзеге аспақ.

 

«Жаңартылған білім беру мазмұны: тиімді жоспарлау және тәжірибе» тақырыбында курстан кейінгі қолдау семинары
«Жаңартылған білім беру мазмұны: тиімді жоспарлау және тәжірибе» тақырыбында курстан кейінгі қолдау семинары

«Назарбаев Зияткерлік мектептері» ДББҰ-нің Атырау қаласындағы «Педагогикалық шеберлік орталығы» филиалы мен Атырау қалалық білім беру бөлімінің біріккен жоспарына сай Атырау қаласы №6 Мөңкеұлы атындағы орта мектепте 2018 жылдың 14 желтоқсанында «Жаңартылған білім беру мазмұны: тиімді жоспарлау және тәжірибе» тақырыбында курстан кейінгі қолдау семинары өтті. Семинар жұмысына Атырау қаласы «Педагогикалық шеберлік орталығы» директоры А.Т.Нуржанова мен орталықтың аға менеджерлері М.М.Телеубаев пен Н.М.Есбосыновтар қатысты.

Атырау қалалық №6 Мөңкеұлы атындағы орта мектебі жетекші мектеп санатында бекітіліп, өз аймағына қарасты бекітілген 13 серіктес мектепке әдістемелік қолдау көрсетіп келеді.

Семинардың алғысөзінде «Педагогикалық шеберлік орталығының» директоры А.Т.Нуржанова: «Жетекші мектептердің серіктес мектептерге тиімді әдістемелік қолдау көрсетуі үшін қажетті кадрлық және әдістемелік ресурстардың болуының маңыздылығы туралы және «Каскадты оқыту бірлесіп қабылдаған шешімінен басталады. Жетекші мектептердегі басқару жүйесінде ынтымақтасқан орта демек, коллаборативті орта қалыптасуы басты шарттылық. Мұғалімдердің кәсіби әлеуетінің оңтайлы қолданылуы және мектептің жетістігі мен мүдделеріне бағынуы жинақталған тәжірибені тұрақты түрде жалпылау және тәжірибе алмасудың бекітілгенін белгілейді. Біз өзіндік кәсіби дамуымызда  өз шеберлік деңгейіміздің  қаншалықты екенін саралай білуіміз қажет, соның арқасында тәжірибе жинақтап, өзгеруіміз керек» - деген ұғымдарға аса мән берудің қажеттілігі жөнінде сөз етті. Жалпы білім беретін орта мектептерде каскадты оқытудың басты нысаны – мұғалімнің кәсіби дамуын ықпалдастыру екені жөнінде және жетекші мектеп тренерлерінің серіктес мектептермен жұмысын жандандырудың қажеттілігін баяндады.

Семинарға Атырау қаласы №6 Мөңкеұлы атындағы орта мектебіне бекітілген серіктес мектептердің мұғалімдері белсене атсалысты.   Сондай-ақ жетекші мектептер серіктес мектептерді «қамқорлықтарына» алуына, және жетекші мектептер мектеп көшбасшыларына практикалық семинарлар мен, шеберлік сағаттарын өткізіп, сабақты жоспарлауға және бақылауға үйретуге, және Сабақты зерттеу мен Іс-әрекеттегі зерттеуді өткізу барысында кеңес беруге, оқыту іс-шараларын өткізуге, тиімді кері байланыс беруге мүмкіндіктері бар екендігі жөнінде кеңес-сұхбат жүргізді.

Орталықтың аға менеджері М.М.Телеубаев пен Н.М.Есбосыновтар №6 Мөңкеұлы атындағы орта мектептің мұғалімдері А.Бахтыгожинаның (математика), М.Жұмабаеваның (жаратылыстану), Н.Түсіпова (қазақстан тарихы), А.Жұмағалиеваның (алгебра), А.Қабасованың (әдебиеттік оқу), А.Ажимованың (орыс тілі), Г.Жауыр мен Н.Баймурзиевалардың (сауат ашу), Г.Ихуанованың (қазақ әдебиеті), Г.Темірғалиеваның (қазақ тілі) өткізген сабақтары мен оны жоспарлауы туралы кәсіби әңгіме жүргізді. Жүргізілген сабақ бойынша талдаулар жүрді. Сабақты талдау кезінде мұғалімдер өздеріне берілген карталар бойынша сабақта сәтті болған жерлері мен оқушының ойлау дағдысын дамыту үшін жасалған іс-әрекететтер, қалыптастырушы бағалау үшін жасалған критерийлердің дұрыстығы туралы айтып, басқа қатынасушылар болып «сабақты зерттеу дұрыс жүрді ме, жоқ па?» деген тақырыпта пікір алмасып, сұхбаттасты.

«Тиімді сабақ: Жоспарлау. Іс-әрекетті зерттеу. Рефлексия» тақырыбында Индер аудандық мұғалімдеріне курстан кейінгі қолдау көрсету
«Тиімді сабақ: Жоспарлау. Іс-әрекетті зерттеу. Рефлексия» тақырыбында Индер аудандық мұғалімдеріне курстан кейінгі қолдау көрсету

«Назарбаев Зияткерлік мектептері» ДББҰ Атырау қаласындағы Педагогикалық шеберлік орталығы филиалының жоспарына сай Индер ауданы Ш.Уәлиханов атындағы орта мектепте 2018 жылдың 12 желтоқсанында «Тиімді сабақ: Жоспарлау. Іс-әрекетті зерттеу. Рефлексия» тақырыбында курстан кейінгі қолдау семинары өтті. Семинарға Атырау қаласы Педагогикалық шеберлік орталығының директоры А.Т.Нуржанова мен орталықтың аға менеджерлері М.М.Телеубаев пен А.С.Тажигалиевалар қатысты.

Орталық директоры А.Т.Нуржанова Жалпы білім беретін орта мектептерде каскадты оқытудың басты нысаны – мұғалімнің кәсіби дамуын ықпалдастыру екені жөнінде және жетекші мектеп тренерлерінің серіктес мектептермен жұмысын жандандырудың қажеттілігін баяндады. Сондай-ақ жетекші мектептер серіктес мектептерді «қамқорлықтарына» алуына, және жетекші мектептер мектеп көшбасшыларына практикалық семинарлар мен, шеберлік сағаттарын өткізіп, сабақты жоспарлауға және бақылауға үйретуге, және Сабақты зерттеу мен Іс-әрекеттегі зерттеуді өткізу барысында кеңес беруге, оқыту іс-шараларын өткізуге, тиімді кері байланыс беруге мүмкіндіктері бар екендігі жөнінде кеңес-сұхбат жүргізді.

Семинар қатынасушыларына құрылымдалған сабақты бақылау картасы таратылып, мектеп тренерлерін әр топқа қосылып, екі топқа бөлініп, сабақтарға қатынасты. Жүргізілген сабақ бойынша талдаулар жүрді. Сабақты талдау кезінде мұғалімдер өздеріне берілген карталар бойынша сабақта сәтті болған жерлері мен оқушының ойлау дағдысын дамыту үшін жасалған іс-әрекететтер, қалыптастырушы бағалау үшін жасалған критерийлердің дұрыстығы туралы айтып, басқа қатынасушылар болып «сабақты зерттеу дұрыс жүрді ме, жоқ па?» сол туралы пікір алмасты, сұхбаттасты, қатынасушылар сабақ өткізген мұғалімдерді кәсіби әңгімеге тарту мақсатында сұрақтар қойды. «Тәжірибедегі рефлексия» тренерлік курсын бітірген Ж.Қорғанбаева мен С.Мусабековалар коучинг жүргізу арқылы «Сыншы дос» қызметінің үлгісін берді. Орталықтың аға менеджерлері М.М.Телеубаев пен А.С.Тажигалиевалар семинарға қатынасқан мұғалімдермен «Бала арасы» әдісі бойынша кері байланыс жасады. Семинарға қатынасушылар сабақты зерттеу және оқушыны зерттеу жолдарын, кәсіби әңгімеге түсу, сұхбаттасу, сабаққа кері байланыс беру, оған қойылатын сұрақтар туралы, сыншы дос туралы түсініктерін кеңейтті. Бақылау карталарының түрлері мен сабақ құрылымына талдау жасауды практикалық тұрғыда біліп кетті.


Новости 1 - 7 из 39 Начало Конец